شوية زجل ع كيفكون

يا نار قيدي ويا أرض إركعـــــي
وباب التحدي بالمعنّى شرعــــي

سمعت من خيي بشاعر أصمعي
مررت بمرور الكرام بلا وعـــي

ملوك الشعر ما شفتها لا تدعي
ولا سمعت فيها وإن جدّ السعي

إضطريت ارجع وكلماتــي معـــي
وحضرت قصيدة للرثا واصلا نعي

وسميتها أسمر الشعراء ومجروح
وجرحــــو ملحتو بــطرف إصبعي

</BLOCKQUOTE>

يا وشمْ خبّي ملحْ لجروحاتْ الأصايلْ
كلماتي دوا ....يمكنْ مو دايق سِواها

وببحورْ الشعرْ حيّكتْ المقايلْ
وللتحدي بوابْ بمفاتيحي غِناها

وأسمرْ بملوكْ الزجلْ سوّى الهوايلْ
كلماتي شرفْ...ربّ الخليقة سَواها

قصايدْ نعي مَا إلها مثايلْ
جروحات قلبك قريباً رح ترسم حلاها

شكلك خفت من روحي واهاتها
أشعاري بتبقى مخلدة بسهراتهـا

ياقاصد سباع الوغا بغابــــــاتهـــا
ضربات روحي احسب حساباتها

روحي البجسمي عايشة جواتها
غير الخلقها صعب ينده هاتهــــا

ومازال جايي بنفسك ونياتهـــــــا
تا تعكس القصة بعكس اياتهـــــا

بكرة اذا الهجرة انجلوا غيماتهـــــا
وقصدت ضيعتي بسماها وأبياتــها

تراباتها ان حكو بيحكــوا فلســفــة
وبتكحّل عيونك من تراباتــــــــــها

</BLOCKQUOTE>

يا وشمْ أسمرْ شعرْ لكلماتكْ خيّالها
وإنْ مرّيت حدّ غابتكْ خافْ خيالها
وعتاباتي ربّ الزجـــلْ خي الها
ولغيـرْ ربها بعمرها ما حسبت حساب

ملوك الشعر مابيهربوا فتحوا مجال
يا ميت أهلا فيك ع الساحة نـزال

دعيناك يالأسمر ع معقل رجــال
ومنهم انت لاتخاف رب الارتجــــــال

وع المنتدى طليت في سرعة غزال
ونسيت ثلثين المراجل بالمثــــال

ياما بشعري تجدبوا ملوك الخيــــال
ونزل الوحي ع كلمتي يشحد مقال

الرجعة تاتفرشلك طريقك بالـــــورود
بهالمنتدى شو بتزرع بتحصد غــلال

</BLOCKQUOTE>

يا وشمْ أسْمَرْ مخضرمْ بالزجلْ جاييكْ
ما تهرب ولا تهابْ النزالْ لفَرجيكْ

من أرض الزجل بقلّك الله محييك
ولتوقف بوجي دورلك ع شي شريك

</BLOCKQUOTE>

مادام إحساسك بلش إنحــــدار
عادي إن حسّبت الورود خيار

وثوبك إن دام لا عيب ولا عار
العيب إنك تكون بقلبو مستعار

يا أسمــــر توعّى وخدلك قرار
متل ابني بالزجل منك ب ختيار

وشم أنا لو مــا داهمني النهار
تا دوّقتك بالزجل طعم المرار

وشو ما قلت تارككك ..قال المثل:
قلبي ع ابني وقلب ابني عالحجار

</BLOCKQUOTE>

يـا وشمْ الأسمرْ مجبولْ بالإحساسْ
إن كنتْ ختيارْ...اسآلْ عنّي النّاسْ

وبوحدة من كلماتي احذار المساسْ
خليكْ بالفربكة ولو ما كنتْ نسناسْ

زجلي رفيع مليانْ كناية وجِناسْ
ناقص حياءَكْ....حـاذقْ وملاّسْ

شمّعْ خيوطكْ وحلو منظرك الحلاّسْ
ولتحفظ ماء وجهكْ انسحب فوراً.....تحديّ أسْمَرْ الشعرْ مو لازملكْ بالأساسْ

</BLOCKQUOTE>

يا أسمــــــر يا لذوقك بعيني لمّعـَــــك
لولا زغـــــــر هالكون عيني بتوسعَك

بمشيك بين جفونــــــــها تــــــا تندعَك
وتصير بالإحساس تحكـــــي وإسمعَك

لا إنت مــــــوهوب وعـــــادي بقشَعَك
ولارضعان طيب الأرض صافي منبعَك

إنسى الشباب ال كسرهن عم يوجَعَك
وعالجـــرح عصّ وقوم جايي إرفعك

وخلّـــــي الفجر يخجل بحالو بمطلعك
وبقفلتك خلّــــي هالزمن يوقف معـــك

حلك بقى..... صرت بعمر التلاثين
تتقــــدم وشي شوي حلّي بقى إدفعك

</BLOCKQUOTE>

يــا وشمْ.. أسْمَرْ خارقْ الحيلة
بيني وبين الزجل حكاية جميلة

ولعيونك يا وشمْ هالعركة طويلة
وتحدي السمرْ مو شغلة قليلة

رح اكتبك نجمة خفيفة..نحيلة
تملّي سمايي من ميلة لميلة

ولو خدت شِعر من عَرَبْ القبيلة....يكون بعلمك..... اقتبسوا العَرَبْ من كلْماتي النبيلة

شعرك شعر لازمله جمهور
والجمهور ورا شعري متخبي

لحني ناي من نار ومن نور
جايي تحرقك حبّة ورا حبّة

شعوري ملك كلامي فلك وسرور
رمشي سبق عطري عبق بالغربة

وانت خلقت جاحد متل كافور
شعرك ركيك متل سمينتو الصبّي

عا قد ماتكتب سطور وسطور
سطور تفضا وبعدها تعبّي

وتمغمغ بشرحك شعرك والشعور
وتصدر أوامر وما حدا يلبّي

وتلفلف ع جبينك شالات وتدور
بكم زر وانحطو ع القبّي

بيكفيك تتخبّا ورا الشاغور
بالشعر وحدي أنا جدّي المتنبّي